Rom 15 | DOB | STEP | Yaisigedi 'abo'ada 'ida emisa waiwaina, 'ilobweneda be gosedao taudi 'idi emisa nenetadi tada lemedi, ta geya'abo taudamo manuda tanuwanuwa.

Romans 15

Taudi 'idi emisa nenetadi tada lemedi

1 Yaisigedi 'abo'ada 'ida emisa waiwaina, 'ilobweneda be gosedao taudi 'idi emisa nenetadi tada lemedi, ta geya'abo taudamo manuda tanuwanuwa. 2 'Enega 'ebweuna 'ebweuna 'ilobweneda be gosedao tada lemedi be 'enega 'idi emisa 'ida sinabwa. 3 Manuna Keliso wate nadigega nigeya taunamo manuna 'inuwanuwa, ta esi 'ana mwau nidi ni'atu Buki Tabu 'ena 'isimanena, 'igwae,

“Tomotai nidi taudi si'awa'awa to'umaliyemuya, 'abo'agu wate 'eguya ona nidi si'inanedi.”

4 Ta wate 'aina 'ebe'itao yaudi Buki Tabu 'ena simiyami Yaubada 'ina lemao manudi, ta 'abo 'ebe'ita nidi taemisedi, tada e'alama'i'itana ma ida nuwayaina be 'aene ma'etamo 'etoseyana tada loba.

5 'Enega tanuwa'i'isi 'aene Yaubada tauna 'alama'i'ita be giepa'ala 'alena, 'enega tauna sawesawenaya be 'igiepa'alida be tada nuwanuwa 'ebweuna, nadigega Yesu Keliso 'ina nuwanuwa, 6 be 'enega maibo'ada nuwanuwa 'ebweuna 'enega Yaubada tada tupu, tauna 'ida Yaubada, ta wate 'ida 'Inapwana Yesu Keliso tamana. 2 Ti 3:17-18

Tetela bobo'ana gete 'omi nigeya me Yudia 'emiya

7 'Enega gosemiyao 'ebweuna 'ebweuna wada bwauyedi 'imi egosigosiyanao 'ediya, nadigega Yesu Keliso 'abo'ada 'iegosigosiyaneda, be 'imi egosigosiyana bobo'ana 'enega Yaubada 'ana tupu 'ida sinabwa.

8 Ta wada nuwa'i'isi 'aene Keliso wate me Yudia 'ediya 'ietoguinuwa, be 'enega Yaubada 'ina onaupaupa nina gimi 'inapwanao 'ediya 'ana 'ai'aila 'ida apwesa, 9 ta wate 'aene taudi nigeya me Yudia sena yauyaudi 'ediya simiyami, Yaubada sida tupu 'ina 'atenuwa'ole'ole 'ediya manuna. Manuna 'ebweu 'etoladi Buki Tabu 'ena 'igwae,

“Gete 'alena 'enega sena yauyaudi ma'egwao 'ada tupuyo, ta wate 'amu esana manuna 'ada wali tuputupu 'emuya.”

10 Ta wate 'igwae,

“Sena maibo'ana 'ediya wamiyamiya, Yaubada 'ina tomotaiyao ma'emiyao wada egwausowala.”

11 Ta wate 'igwae,

“'Omi nigeya me Yudia, 'Inapwana nina wada tupu, ta wate maibo'ami wada 'awabobo'ane.”

12 Wate nadigega Aisea 'ina buki 'ena 'igwae,

“'Iabe Desi 'ina boda 'enega 'ebweu tai 'imama be sena maibo'ana 'ediya 'ietoloina, be taudi nigeya me Yudia sida emise 'aene tauna 'ida 'etoseyedi.”

13 Ta ona'ai'aila, Yaubada namo ma 'ana emisa, manuna taunamo 'enega lema bobo'adi talobalobadi, 'enega nuwanuwagu be ma imi gwausowala wada emisa 'aene 'imi miya sida bobo'ana, ta wate Yaluyaluwa Tabuna 'ina waiwaiyega 'imi emisao nidi 'ida giesinabwa 'ai'ailidi.

Paulo 'ina loguguya manuna

14 Gosegwao, ni'atu yamwalatoi 'ai'ailimi 'aene 'omi tomota bobo'ami ta sinasinapumi, 'enega sawesawemiya be 'ebweuna 'ebweuna 'enaya wada e'ita. 15 Ta ma igu 'atepatu 'imi leta gete ya'etoladinawa be 'enega 'aina yage wada nuwa'i'isidi, manuna 'igu paisewa gete Yaubada 'i'ebwa'egu, 16 be 'aene Yesu Keliso manuna yada etosimana 'omi nigeya me Yudia 'emiya. 'Igu paisewa gete 'ena 'atuwa nadigega taliya yaguiguinuwe be 'enega Yesu tetelina wada nono, be muliyega yada 'ebwayaemi Yaubada 'enaya, manuna Yaluyaluwa Tabuna ni'atu 'igie'esasemi ga Yaubada manumi 'igwausowala sinabwana.

17 Ona'ai'aila, ma igu gwausowala Yaubada 'ina guinuwa yaguiguinuwe, manuna Yesu Keliso ma'iyagu 'apaipaisewa.

18 'Enega 'abo'agu namo 'igu paisewa manudi gete tuga yasimasimanedi 'emiya, ta nigeya wate mali tomota 'idi paisewa manudi. Ta yasimana palupalu 'emiya 'igu loguguyao sena apwesaya 'ediya sinonodi, ga simuliyedi, manuna Yesu Keliso 'ina waiwai 'eguya 'imiyami, 19 ta wate 'igu guinuwao waiwaidi ta 'ebe nuwaowana si'itedi, manuna Yaluyaluwa Tabuna 'ina waiwaiyega Keliso tetelina yaguguya sakowasiyena Yelusalemega ga 'ana laba yamai Ililikami 'enaya.

20 Manuna nuwanuwagu be sena auwaudi namo 'ediya yada gimi loguguya, taudi sena nidi nigeya Keliso tetelina sinoono, manuna geya nuwagu be mali tologuguyao 'idi guinuwa yaloeposeyane. 21 Manuna Buki Tabu 'ina simana 'igwae,

“Yaisigedi taudi To'etoseyana nina tetelina nigeya sida nonona, 'iabe sinono, be tauna manuna sida nuwasabwalena.” Ko 10:15-16v21 Ais 52:15

Paulo nuwanuwana me Loma 'ida ayausidi

22 Gete 'alena 'enega nigeya yada ayausimi. Ta ona'ai'aila, yakwala yau wawasae 'ediya nuwanuwagu be yayausimi, ta sa'i nigeya sawesaweguya. Ta ni'atu gete 'igu paisewao nidi ni'atu yalosalonidi, 24 'enega nai gete tuga yada gimiyausimi, be tupwana ma'emiya tada egwausowala, be muliyega waegelugu be yatatauya Sipeini.

25 Ta esi muliyega be yawawa 'emiya, nuwanuwagu be nugana yatatauya Yelusalema be toekalesiyao 'adi lema, nate me Esia 'idi 'ebwayadaita, yada 'ebwa'edi.

26 Manuna me Masidonia be me Gilisi nidi nuwanuwadi be 'idi 'ebwayadaita nina yada 'ebwaya toekalesiyao gomagomabesodi Yelusalema 'enaya 'ediya, 27 manuna taudimo gete nadigega 'idi nuwanuwa. Ona'ai'aila, 'ilobwenena be me Yelusalema 'adi lema sida loba me Esia 'ediyega, manuna nugana me Yelusalema 'ediyega Keliso tetelina me Esia nidi sinonona, yaluyaluwadi 'adi lema manuna, 'enega taudi sa'i bale'u gwegwenao si'ebwa'ebwaya me Yelusalema 'ediya.

28 'Enega gete namo 'igu paisewa nina yada losaloni, nate 'ebwayadaita nina gete me Yelusalema yada 'ebwa'edi, be muliyega yawawa 'emiya be yayausimi, be 'enega 'emiyega yada gelu limana be yatatauya Sipeini 'ena. 29 Ta yanuwayaina 'aene 'igu ayausa 'emiya bobo'ana, manuna Keliso 'ina oboboma sinabwana 'eguya 'imiyami, 'enega 'iabe taegwausowala leleleya.

30 Gosegwao, 'ida 'Inapwana Yesu Keliso 'ana esanega ta Yaluyaluwa Tabuna 'ina obobomega, 'emiya yasidasida waiwai be 'omi ma'egwao Yaubada 'ena tada sidasida, 31 taudi Yesu 'ana toguitoyasao Yudia 'enaya manudi, be 'enega geya'abo sigiegie to'umaliyegu, be wate toekalesiyao nidi gomagomabesodi Yelusalema 'enaya manudi, be 'aene 'ebwayadaita getei yatautauye manuna sida gwausowala, ta geya'abo sida guiguitoyase, 32 be 'enega 'abo Yaubada 'ina nuwena gete nadigega, 'iabe ma igu gwausowala yawawa 'emiya, be nada tupwana 'emiya yaeyawai'ata.

33 Yaubada ma'emi, tauna nuwasiwalowa 'alena. Eimeni.v30-31 Kol 4:3; 2 Te 3:1-2